Hús atvinnulífsins flytur í Vatnsmýrina

10.06.2015

FF2Dagana 11. til 13. júní mun Hús atvinnulífsins flytja í Vatnsmýrina og reisa Tjald atvinnulífsins. Þar verður boðið upp á fjölbreytta og skemmtilega dagskrá um nauðsyn öflugs atvinnulífs til að fólk geti notið  góðra lífskjara. Allt áhugafólk um atvinnulífið er velkomið í tjaldið en uppátækið er hluti af Fundi fólksins sem fram fer í Norræna húsinu og næsta nágrenni þess. 

Um er að ræða þriggja daga líflega hátíð um samfélagsmál að norrænni fyrirmynd. Opin skoðanaskipti eru leiðarstefið en á dagskránni verða fundir, málþing, fyrirlestrar, tónlistaratriði og líflegar uppákomur frá morgni til kvölds, bæði innan- og utandyra. Dagskráin í Tjaldi atvinnulífsins verður birt á næstunni.

Þátttakendur í hátíðinni eru m.a.:

Samtök atvinnulífsins, Samtök iðnaðarins, Samtök ferðaþjónustunnar, Samtök verslunar og þjónustu, Samtök fjármálafyrirtækja, Samtök fyrirtækja í sjávarútvegi, Frumtök, Litla Ísland, Almannaheill, Alþjóðamálastofnun Háskóla Íslands, ASÍ, Bandalag Íslenskra listamanna, Björt framtíð, Fjölmiðlanefnd, Framsóknarflokkurinn, Heimili og skóli, Landsbyggðarvinir, Landvernd, MND félagið, Norræna félagið, Píratar, Rannsóknarmiðstöð ferðamála, Rauðikross Íslands, Reykjavíkurborg, Samband Íslenskra myndlistarmanna, Samfylkingin, Sjálfstæðisflokkurinn, Slow food – Ísland, Starfsgreinasambandið, UNICEF og Vinstri hreyfingin grænt framboð.

Fundur fólksins er á Facebook

Tjald atvinnulífsins er á Facebook

Um Frumtök

Frumtök eru samtök frumlyfjaframleiðenda á Íslandi. Tilgangur Frumtaka er að efla og dýpka umræðu um lyfjamál og að gæta þess að sameiginlegir hagsmunir framleiðenda frumlyfja á Íslandi og á alþjóðavísu og almennings fari saman. Frumtök vilja með málflutningi sínum stuðla að framþróun íslenska heilbrigðiskerfisins, að rannsóknum og þróun lyfja hér á landi og að annast sameiginleg mál frumlyfjaframleiðenda á Íslandi. 

Hafa samband

Frumtök
Húsi atvinnulífsins
Borgartúni 35
105 Reykjavík

Sími: 588 8955

frumtok@frumtok.is

Fylgstu með

Skráðu þig á póstlistann


© 2015 Frumtök.