Frumtök eru samtök frumlyfjaframleiðenda á Íslandi. Tilgangur Frumtaka er að efla og dýpka umræðu um lyfjamál og að gæta þess að sameiginlegir hagsmunir framleiðenda frumlyfja á Íslandi og á alþjóðavísu og almennings fari saman. Frumtök vilja með málflutningi sínum stuðla að framþróun íslenska heilbrigðiskerfisins, að rannsóknum og þróun lyfja hér á landi og að annast sameiginleg mál frumlyfjaframleiðenda á Íslandi.

Meðal stofnaðila Frumtaka eru öll helstu frumlyfjafyrirtæki heims og umboðsfyrirtæki þeirra hér á landi, auk þeirra sem sinna rannsóknum og þróun á þessu sviði hér á landi, s.s. Íslensk erfðagreining. Skilyrði fyrir aðild að samtökunum eru að fyrirtækið, eða fulltrúar þess á Íslandi, stundi lyfjarannsóknir, þrói, framleiði eða markaðssetji lyf. Fyrirtæki sem hafa að markmiði að þróa og markaðssetja samheitalyf og apótek eða apótekakeðjur sem framleiða lyf geta ekki átt aðild að Frumtökum.

Frumtök hyggjast hafa frumkvæði að rannsóknum og greiningu á íslensku heilbrigðiskerfi svo betri skilningur fáist á þeim vanda sem að steðjar. Einnig vilja Frumtök vekja athygli á og kynna mikilvægi rannsókna og þróunar nýrra lyfja fyrir samfélagið og nauðsyn þess að slíkri starfsemi séu búin hagstæð starfsskilyrði á Íslandi.

Sjúkdómar, breytingar í aldurssamsetningu þjóðarinnar og ýmis heilbrigðisvá af völdum manna og náttúru eru stöðug áskorun fyrir samfélagið. Þörf á nýjum meðferðarúrræðum og óskir um framfarir á sviði læknavísinda eru sífellt vaxandi. Óhjákvæmilega leiðir þessi þróun af sér aukið álag á heilbrigðiskerfið og meiri kostnað við málaflokkinn. Umræða um lyfjamál hér á landi er oft yfirborðskennd og gjarnan einblínt á beinan útlagðan kostnað vegna lyfja, en ávinningur meðferðar sem fyrirbyggir sjúkdóma, læknar eða dregur úr einkennum þeirra virðist stundum gleymast í umræðunni. Frumtök munu standa að gerð fræðslu- og kynningarefnis um lyf og málefni framleiðenda frumlyfja auk efnis um sjúkdóma og forvarnir þeirra. Frumtök vilja takast á við vanda heilbrigðiskerfisins á uppbyggilegan hátt og í nánu samstarfi við stjórnvöld, stofnanir, félagasamtök og stjórnmálaflokka.


Skrifstofa og stjórn

Skrifstofa:

Frumtök
Húsi atvinnulífsins, 2. hæð.
Borgartúni 35
IS-105 Reykjavík

Sími: 588-8955
Netfang: frumtok@frumtok.is

Stjórn:

Andrea Ingimundardóttir.
Áslaug Jónsdóttir, varaformaður stjórnar.
Davíð Ingason.
Sólveig Björk Einarsdóttir.
Vala Dröfn Jóhannsdóttir, formaður stjórnar.

Varamenn í stjórn:

Bessi Jóhannesson.
Elín Hrönn Ólafsdóttir.

Framkvæmdastjóri:

Jakob Falur Garðarsson.
Netfang: jfg@frumtok.is
GSM: 862 4272

Samþykktir

Samþykktir Frumtaka voru upphaflega gerðar á stofnfundi samtakanna, á Hótel Sögu 26. október 2005. Samþykktunum var breytt á auka-aðalfundi þann 25. apríl 2006, á aðalfundi 21. mars 2007, á aðalfundi 17. mars 2010, á félagsfundi 22. mars 2012 og síðast á aðalfundi 16. mars 2017. Gildandi samþykktir er að finna hér.

Um Frumtök

Frumtök eru samtök frumlyfjaframleiðenda á Íslandi. Tilgangur Frumtaka er að efla og dýpka umræðu um lyfjamál og að gæta þess að sameiginlegir hagsmunir framleiðenda frumlyfja á Íslandi og á alþjóðavísu og almennings fari saman. Frumtök vilja með málflutningi sínum stuðla að framþróun íslenska heilbrigðiskerfisins, að rannsóknum og þróun lyfja hér á landi og að annast sameiginleg mál frumlyfjaframleiðenda á Íslandi. 

Hafa samband

Frumtök
Húsi atvinnulífsins
Borgartúni 35
105 Reykjavík

Sími: 588 8955

frumtok@frumtok.is

Fylgstu með

Skráðu þig á póstlistann


© 2015 Frumtök.